ŽEMAIČIŲ KALBOS METAI. Lėkit, mintys
2022-08-19
Ilgesīs kap runkas tīsas
I tun krašta, tun šali,
Kor palikuom mas vaikīsti
Ėr jaunīsti žale žale.
Kor Medžiuokalnis ėr Vinta,
Unžūlā žali rīmuoje,
Kor užgimti bova limta
Žemaitijuo mīlemuojuo.
Kor aukšti pušīnā rīma
Ėr čiuobrelē kvapa skleidi,
Kor pasielē ir arimā,
Drunses dūmas mūsa veidi.
Lieket, mintes, juns i tuoli,
Gimta žemi apkabinket,
Sena krīžiu tartom bruoli
Rūtuoms, mietuoms padabinket.
BAGDUONA APUOLĖNARA PETRA EILIERAŠTIS
(„Žemaičių žemė“, 2022 m. Nr. 11)